टोरोन्टो । क्यानडाको बहुप्रचलित दक्ष जनशक्ति प्रणाली (Federal Skilled Worker Program) अन्तर्गत आगामी डिसेम्बर महिनासम्ममा २५,००० आवेदन लिइने भनिएकोमा हालसम्म १,८९१ जनाको मात्र आवेदन परेको छ ।
गत मे ४ तारिख देखि पुनः प्रारम्भ भएको उक्त FSW प्रणाली अन्तर्गत क्यानडा सरकारले आगामी डिसेम्बर महिनासम्ममा ५० वटा व्यवशायमा कामको अनुभव प्राप्त गरेका व्यक्तिहरुबाट २५,००० वटा आवेदन लिने र त्यसमध्ये पनि हरेक व्यवशायमा बढीमा १,००० आवेदन लिइने समेत जनाइएको थियो । तर चार महिना बित्न लाग्दा पनि दुई हजार आवेदन पर्न सकेको छैन ।
क्यानडा सरकारको वेभ साइटमा जनाइएअनुसार सबैभन्दा बढी आवेदन कम्प्यूटर प्रोगामर (४०४ आवेदन) परेको छ भने त्यसपश्चात ३८२ आवेदन फाइनान्सीएल एण्ड इन्भेष्टमेन्ट एनालाइसिस्टको परेको छ । अन्य प्रचलित व्यवशायहरुमा दुइ सय भन्दा कम आवेदन परेको छ ।
वेभसाइटमा जनाइएअनुसार निम्न लिखित व्यवशायहरुमा सबैभन्दा बढी आवेदन परेका छन्ः
| Occupation | Application # | |
| Computer programmers and interactive media developers | 404 | |
| Financial and investment analysts | 382 | |
| Software engineers and designers | 188 | |
| Mechanical engineers | 137 | |
| Information systems analysts and consultants | 132 | |
| Computer network technicians | 99 | |
| Civil engineers | 75 | |
| Electrical and electronics engineers | 69 | |
| Financial auditors and accountants | 56 | |
| Physiotherapists | 54 | |
| Financial managers | 52 | |
| Registered nurses and registered psychiatric nurses | 29 | |
| Professional occupations in advertising, marketing and public relations | 23 | |
| Other financial officers | 21 | |
| University professors and lecturers | 19 | |
| Purchasing managers | 18 | |
| Senior managers – financial, communications and other business services | 17 |
(Source: http://www.cic.gc.ca)
आवेदनको संख्या घट्नुमा अंग्रेजी भाषा परिक्षा (IELTS-GT) को हरेक विधामा ६ वा सो भन्दा बढी स्कोर ल्याउनु पर्ने र सो भन्दा पनि महत्वपूर्ण IELTS परिक्षाको लागि date नै नपाउनु रहेको क्यानेडिएन इम्मिग्रेशन सल्लाहकार मिलन कार्की बताउँछन् ।
“मूलतः IELTS को date नै पाउन गाह्रो छ भने एक पटक IELTS मा ६ स्कोर गर्न सकेन भने तुरुन्त अर्को IELTS test दिन सकिने सम्भावना पनि रहेन । अर्कोकुरा क्यानडाको एजेन्सीमा आफ्नो अध्ययनको evaluation गराउनु पर्ने लगाएतका झंझटले पनि धेरै आवेदकहरुलाई दिक्क बनाएको छ,” कार्कीले बताए ।
मिलन कार्की, क्यानेडिएन इम्मिग्रेशन सल्लाहकार
२०१५ देखि क्यानडाले Express Entry प्रणालीमार्फत आवेदन प्रारम्भ गर्ने र त्यसमा भने सबै प्रकारका व्यवशायीहरुको आवेदन लिइने समाचारसूत्रले जनाएको छ ।
नेपालीहरुको सपनाको मुलुक रहेको क्यानडामा गत एक दशकदेखि बिभिन्न इम्मीगे्रशन प्रणाली मार्फत बर्षेनी करिब एक हजार नेपालीहरुले स्थायी बसोवास भिसा पाइरहेका छन् ।
नेपालीहरुले राम्रोसँग अंग्रेजी भाषाको ज्ञान लिएर सीपमूलक तालिमहरु प्राप्त गरेको खण्डमा क्यानडा पुग्नु ठूलो कुरा नभएको कार्कीको तर्क छ ।
0 comments:
Post a Comment