१. भेजाइनल इस्ट इन्फेक्सनः यो निकै नै साधारण समस्या हो । इस्ट इन्फेक्सन सुरुमा कम संख्यामा योनीमा हुने गर्दछ र बिस्तारै बढ्दै गएर यसले संक्रमणको रुप लिने गर्दछ । इन्फेक्सन भएको खण्डमा महिलाको योनीमा जलन, रातो हुने र सुन्निने गर्दछ । यस्तो इन्फेक्सन हुँदा सेक्स निकै पीडादायक हुने गर्दछ । इस्ट इन्फेक्सन कुनै पनि महिलालाई हुने गर्दछ र यसको उपचार तुरुन्त गर्न जरुरी छ ।
२. यौन रोग रोक्नका लागि कण्डमको प्रयोगः! एड्स वा अन्य यौन संचारित संक्रमणलाई रोक्नका लागि कण्डमको प्रयोग निकै जरुरी छ । कोही मानिसहरु यस बारेमा जान्दा जान्दै पनि कण्डमको प्रयोग गर्दैनन् । तर तपाईं आफू पनि बच्ने र अरुलाई पनि बचाउने जिम्मेवारी तपाईंको हो ।!
३. टेस्टोस्टेरोनः! महिलालाई सेक्स इच्छा बढाउनका लागि टेस्टोस्टेरोन हर्मोनले निकै काम गर्ने गर्दछ । २० वर्षको उमेरसम्म टेस्टोस्टेरोनको मात्रा निकै उच्च भइसकेको हुन्छ र उमेर बढ्दै जाँदा यसको संख्या घट्दै जाने गर्दछ । महिला यौन स्वास्थ्य विशेषज्ञहरुका अनुसार जो महिलाहरु रजोनिवृत्तिसम्म पुगिसकेका छैनन् उनीहरुले टेस्टोस्टेरोन थेरापी गर्दा सेक्समा रुची बढ्ने गर्दछ ।
४. महिला यौन रोगः यदि कुनै पनि महिलालाई सेक्स गर्दा शारिरिक अथवा मानसिक रुपमा पिडा भइरहेको छ भने उनीहरु कहिले पनि यसबाट सन्तुष्ट हुन सक्दैनन् । यस्तो अवस्थामा तुरुन्त चिकित्सककोमा जान जरुरी हुन्छ । यस्तो समस्या १८ देखि ५९ उमेर सम्मका महिलाहरुमा देखा पर्न सक्छ ।!
५. योनीको संकुचनः कोही महिलालाई सम्भोगका दौरान योनीमा पीडा महसुस हुने गर्दछ, जुन योनीको संकुचनका कारण हुने गर्दछ । मेडिकल कन्डिसनको आधारमा भन्नु पर्दा यदि तपाईंको योनीको मांसपेशीहरु कस्सिएको हुन्छ तब सम्भोगको क्रममा पीडा हुने गर्दछ । यसो हुँदा तपाईंको सम्बन्धमा तनाव आउने गर्दछ र यसलाई चाँडै नै उपचार गराई ठिक गराउनु पर्दछ ।
६. सेक्स एलर्जीः योनीमा चिलाउने र सेक्स पछि पोल्ने भएमा तपाईंलाई सेक्स एलर्जी भएको भन्ने बुझ्नुपर्ने हुन्छ । तपाईंलाई विर्यको एलर्जी पनि भएको हुनसक्छ । यदि यो रोगलाई छिट्टै उपचार नगराएमा महिलालाई अनफिलेक्सिस भन्ने अर्को रोग लाग्नसक्छ ।!
७. रजोनिवृत्तिः ४५ देखि ५५ वर्षसम्मका सबै महिलाहरुमा आमा बन्ने क्षमता नष्ट भइसकेको हुन्छ र उनीहरु रजोनिवृत्तिसम्म पुग्ने गर्दछन् ।! जब महिला रजोनिवृत्तिमा पुग्छन् तब महिलाको मुड परिवर्तन भइरहने, उच्च रक्तचाप हुने र अरु समस्याहरु सुरु हुने गर्दछ । यो अवस्थामा पुगेका महिलाहरुलाई सेक्स गर्ने इच्छा मरेर जाने गर्दछ । (एजेन्सी)
0 comments:
Post a Comment